Victoria Beckham festoi kurorëzimin e Mbretit të ri të Britanisë së Madhe, Charles III, i cili u zhvillua këtë të shtunë në Londër.
Ish-Spice Girl postoi disa kujtime përkrah Madhërisë së Tij për të festuar ceremoninë e kurorëzimit të monarkut të ri.
Victoria Beckham nuk mund të ishte në ceremoni, por kjo nuk e pengoi atë të festonte ngjitjen e Mbretit Charles III në fron në stilin e saj unik.
Spice Girls dhe Princi i atëhershëm i Uellsit u takuan disa vite më parë.
Në llogarinë e saj në Instagram, ish-këngëtarja dhe bashkëshortja e ish-futbollistit David Beckham, ka postuar një seri fotosh ku shfaqet së bashku me shoqet e saj të bandës në grupin e famshëm pop, Spice Girls, përkrah Mbretit të ri, i cili në atë kohë ishte Princi i Uellsi.
“Që atëherë e deri më tani! Kam kaq shumë kujtime të bukura nga takimi me Madhërinë e Tij gjatë karrierës sime dhe ai është gjithmonë kaq mbështetës dhe i sjellshëm,” postoi Victoria Beckham.
“Sot është një ditë vërtet historike dhe jam jashtëzakonisht e nderuar të festoj Mbretin Charles III dhe Mbretëreshën Camilla për fillimin e roleve të tyre të reja. VB.”
View this post on Instagram
