Ajo është një nga femrat më të famshme në botë, me një markë mode të njohur kudo, një jetë sociale aktive dhe katër fëmijë për t’u kujdesur. Kështu që çfarë mund të gjendet në çantën e Victoria Beckham, për t’u siguruar që ajo të duket mirë, të ndihet mirë dhe të ndjekë planet e saj të ngjeshura?
41-vjeçarja hapi çantën e saj për revistën “Vogue” dhe gjërat që u gjetën do t’ju habisin. Nëna e katër fëmijëve tha për kamerën: “Më pëlqen që të kujdesem për shumë gjëra, sepse ju nuk e dini asnjëherë se çfarë mund t’ju duhet dhe gjithmonë përfundoj duke mbajtur gjëra për fëmijë”.
Ja se çfarë mund të gjeni në çantën e Victoria Beckham:
-Ajo ka një libër. “Gjithmonë duhet të kesh një libër të mirë”, thotë ajo.
–Ka një kristal. Është shumë e dhënë pas gurëve natyralë dhe idesë së ndikimit të tyre në energjinë mendore të njerëzve. “Unë mendoj pozitivisht. Nuk kam kohë të jem negative. Kam gjithmonë kristale dhe skuadrës sime i kam shpërndarë, gjithashtu”, tregon ajo në video.
-Ka telefonin. “Kam të gjitha fotot aty, të fëmijëve, Davidit, prindërve të mi, familjes së tij. Kështu që i kam me vete, kudo që shkoj”, thotë ajo.
Ajo nuk mund të udhëtojë pa produktet e saj të bukurisë. Ja cilat janë…
-Kremi hidratues të fytyrës
-Kremi i duarve
-Buzëkuqi
-Parfumi
-Një produkt shkëlqyes nga bashkëpunimi i saj me Estee Lauder, që e përdor kur ndihet e lodhur, i cili i jep freski dhe ka pak efekt lifting.
-Lot artificial që që i ka marrë në Japoni. Ato ndihmojnë për të zbardhur të bardhën e syve dhe meqë ajo ka shumë fëmijë dhe mund të mos flejë mirë, nuk shkon asgjëkund pa atë kuti të vogël, që zhduk pasojat e pagjumësisë në sy.
Mbaruan edhe produktet e bukurisë, por jo gjithçka që ajo ka në çantë. Një pyetje që u bëhet personazheve në këtë video, është edhe me kë do donin ta ndërronin çantën për një ditë që të mësonin, sekretet e asaj gruaje. Nëse ajo do ndryshonte çantën me dikë për një ditë, do donte të ishte Hillary Clinton. Victoria Beckham është shumë kureshtare të dijë çfarë ka ajo grua në çantë.
Meqë familja e saj përbëhet nga pesë anëtarë dhe Victoria, ajo mban pesë njerëz të vegjël me vete. Në të vërtetë është një libër me format në miniaturë, Mr.Men të cilin e kishte kur ishte e vogël dhe tani ia lexon vajzës, më të voglës, Harper.
Gjithashtu Victoria mban gjithmonë me vete syze dielli. Ajo e përfytyron imazhin e saj, në mes të një turme njerëzish me syze, gjë që e personifikon.
Burimi: Daily Mail
