“Unë kurrë nuk kam veshur një xhaketë sportive me një fund”, tha Victoria Beckham një ditë para shfaqjes së saj. Por për një dizajnuese në kërkim të një shkëndijë krijuese, kjo është një arsye e mirë për të provuar diçka, që thjesht nuk e ke bërë më parë, dhe ka rezultuar e suksesshme për Beckham këtë sezon.
Ajo kombinoi xhaketat oversize me funde të gjatë dhe çizme lëkure deri në gju. Veshjet e paraqitura në Javën e Modës në New York, ishin shumë larg krijimeve që dizajnuesja prezantoi tetë vjet e gjysmë më parë.
Çantat e saj të reja të sezonit ishin mjaft të strukturuara, me stil gjeometrik, si ato katrore që ishin frymëzuar nga partneriteti më Estee Lauder. Gratë që vishen nga Victoria Beckham ndoshta do të preferojnë që një çantë të nxejë dhe një iPad, e pse jo.
Shfaqja e Victoria-s u ndoq nga e gjithë familja, veçanërisht Brooklyn Beckham, djali 17-vjeçar David dhe Victoria’s, që po ndjek pasionin e tij për fotografinë.
Vitin e kaluar, ai ishte pjesë e fushatës së markës britanike, Burberry Brit dhe gjithashtu njoftoi se do të publikojë librin e tij të parë, një koleksion fotografish, të titulluar “Ajo që unë shoh”, që do të dalë në maj të këtij viti.
I pranishëm në koleksionin e nënës së tij Victoria, Brooklin realizoi dhe shpërndau në Snapchat disa fotografi të eventit që u mbajt në New York të hënën.
*Shfleto galerinë
Burimi: Vogue
