Romanca e tyre tërhoqi vëmendjen e të gjithë mediave rozë nëpër botë, por tani duket se dashuria e nxituar është duke u ngadalësuar.
Këngëtarja 26-vjeçarje Taylor Swift dhe aktori Tom Hiddleston, 35 vjeç, patën një “debat të madh” në fillim të këtij muaji, sipas “UsWeekly”. “Ata nuk po shpenzonin aq shumë kohë bashkë së fundmi”, tha një burim.
Tom është në Australi duke xhiruar filmin “Thor: Ragnarok” dhe ndërkohë Taylor udhëtoi fillimisht me të, por distanca po provon se është një arsye e fortë.
Një burim i brendshëm i Swift: “Ishte e vështirë të bënin që planifikimet e tyre të funksiononin”.
Para se të lidhej me këngëtaren, Tom ishte i preferuari për të marrë rolin e James Bond, duke ndjekur Daniel Craig. Dhe më pas puna e tij në filmin “The Night Manager” i dha atij vlerësime.
Por romanca e tij e papritur me Taylor mund t’i ketë shkaktuar dëme në karrierën e tij dhe tani është në ankth për të ngadalësuar marrëdhënien, që nisi me hapa të mëdha.
Një burim i brendshëm thotë se aktori tani është kapur në “kurthin e Taylor”. “Ajo insiston të kontrollojë çdo gjë dhe të ecin më shpejt përpara. Ajo po drejton shfaqjen”, thotë burimi.
Çifti patën një takim para disa javësh kur Tom fluturoi për te Taylor me një avion privat në Australi, në pronën e saj në Rhode Island, për një vizitë dyditore më 14 gusht. Sipas shoqërisë së këngëtares, ajo po bën çdo gjë që ta mbajë romancën e tyre gjallë.
Tom dhe Taylor e bënë publike romancën e tyre pasi u fotografuan duke u puthur në plazh, pranë shtëpisë së saj, më 14 korrik.
Burimi: Daily Mail
