Dy ditë më parë, këngëtari i njohur Erik Lloshi i dha fund beqarisë. Ai u kurorëzua me martesë me partneren e tij, Rominën dhe dasma e tyre u bë kryefjala e të gjitha mediave.
Eriku dhe Romina shkëlqyen në krahët e njëri-tjetrit, ndërsa atmosferën në dasmë e ndezën edhe prindërit e Erikut, prej të cilëve u kuptua qartë se kishte marrë talentin në muzikë.
Gjatë mbrëmjes, Eriku mori mikrofonin dhe i këndoi partneres së tij, duke shkrirë zemrat e të gjithë të ftuarve në dasmë.
Mirëpo, surpriza nuk ka mbaruar me kaq, pasi këngëtari ka lajmëruar se e ka gati një këngë që i dedikohet Rominës.
Në një postim në Instastory, Eriku ka njoftuar se sonte do të këndojë për herë të parë këngën e titulluar “Peng i dashnisë”, në “Maratonën e Këngës”.
Ai njofton se videoklipi i këngës që i dedikohet bashkëshortes do të publikohet shumë shpejt.
“Sonte në “Maratonën e Këngës”, për të kënduar “Peng i dashnisë” që i kushtohet bashkëshortes time dhe shumë shpejt del dhe video e këngës.”- shkruan Eriku në Instastory.
Ne po presim me padurim të dëgjojmë këngën e re, e cila për Rominën duhet të jetë surpriza më e bukur e martesës!
