Këngëtarja e famshme Lana Del Rey është fejuar me të dashurin e saj, Clayton Johnson, pa u bërë ende 1 vit nga lidhja e tyre. Burime pranë “Us Weekly” treguan se Clayton i ka propozuar artistes dhe ajo ka pranuar.
Në fakt dyshimet për fejesë nisën që mbrëmjen e djeshme, kur Lana performoi në The Tonight Show With Jimmy Fallon. Fansat syshqiponjë vunë re në dorën e majtë të këngëtares një unazë teksa ajo këndoi “Love You Like A Woman” në spektakël.
Dy ditë para shfaqjes një tjetër përdorues Twitter shkroi se e kishte parë Lana Del Rey me një unazë në gisht. Madje edhe muajin e shkuar ajo u pa me një unazë të madhe diamanti, duke nxitur kështu spekulimet për një fejesë të mundshme që në nëntor.
Lajmi për fejesën e Lana Del Rey vjen vetëm 8 muaj pasi ajo i dha fund romancës me Sean Larkin. Lajmin e konfirmoi vetë këngëtari, duke u shprehur gjatë një interviste për The New York Times se ata mbetën thjesht miq pas një lidhje 6-mujore.
