Vajza e ish-zëvendëskryeministrit Niko Peleshi ka treguar se shumë shpejt do të vijë me një libër.
Edhe pse 17 vjeçe Aleksia Peleshi e ka gati librin e saj të parë dhe do ta publikojë shumë shpejt.
Lajmin e ka dhënë vetë Aleksia në Instagramin e saj, gjatë bisedës me miqtë dhe ndjekësit në rrjetin social.
Ajo nuk e ka botuar ende librin, por ka zbuluar një pjesë të kopertinës dhe titullit për miqtë e saj kuriozë.
Libri në fjalë është në anglisht dhe përmban poezi dhe histori të shkurtra.
“Iconstyle.al” kontaktoi personalisht me Aleksian, e cila zbuloi se titulli i librit do të jetë “Epiphany”, dhe mbart kuptimin e kapjes së realitetit përmes një këndvështrimi të artit letrar.
Në nëntor Aleksia mbushi 17 vjeç dhe e festoi ditëlindjen me miqtë e saj më të afërt. Bukuroshja brune është mjaft aktive në Instagram, ku publikon vazhdimisht foto nga momente të veçanta nga jeta e saj.
Dhe ashtu siç tha për “iconstyle.al”, “shumë shpejt” ajo do të ndajë me miqtë edhe botimin e librit “Epiphany”. Aleksia ka shprehur dëshirën për të studiuar për Global Business dhe madje të ndjekë edhe Doktoraturën.
I urojmë asaj shumë suksese!
