Ai u nda nga jeta në mënyrë tragjike shtatë vjet më parë, por fansat e aktorit Patrick Swayze do të kenë mundësi që të bëhen pjesë e historisë së tij.
Auctions Julien do të nxjerrë në ankand disa sende nga pasuria e yllit të Hollivudit, i cili vdiq në shtator të vitit 2009 nga kanceri në pankreas.
Ankandi, i cili përfshin disa veshje nga rolet e tij më të njohura, do të zhvillohet më 28 dhe 29 prill në Los Anxhelos.
Veshja më e njohur e tij është një xhaketë lëkure që ai mbante në filmin “Dirty Dancing”, në vitin 1987.
Nuk ka dyshim që ajo xhaketë do të jetë shumë e lakmuar pasi kompania do ta shesë nga 4,000 deri 6,000 $. Edhe bluza vishnjë që e veshi në filmin Ghost, do të shitet për 2000 deri në 4000 dollarë.
Motoçikleta e tij Harley-Davidson është vlerësuar se kushton 8,000 deri në 10,000 dollarë.
