Vesa Luma ka qëndruar prej shumë vitesh larg muzikës, pasi ajo u shpërngul në Zelandën e Re me familjen.
Megjithatë këngëtaren e kemi parë së fundmi në Shqipëri, ku premton shumë surpriza dhe një rikthim të ‘fuqishëm’ në projektet e saj muzikore. Ajo ka paralajmëruar se së shpejti do të publikojë albumin e saj të ri, që do të jetë një ‘mix’ baladash e kënhësh ritmike.
Kaq na ka zbuluar këngëtarja, deri më tani, duke u treguar e rezervuar në detaje, e nuk na mbetet gjë tjetër veçse të presim për të parë se çfarë ka përgatitur.
“Jam në fazë përmbyllëse të EP-s sime. Kam qejf ta ndjej më afër dhe publikun. Jam në punë e sipër. Në shtator ka filluar puna intensive. Do jem po ajo Vesa. Ka dhe balada, por ka dhe këngë shumë ritmike. Nuk e kam pasur luksin të provoj diçka tjetër më të madhe. Për rikthim do jem po ajo Vesa, por në vazhdim të shohim. Dua të eksperimentoj, por do ia lëmë kohën. Do të ketë bashkëpunim me Gerin dhe do të vijë në një moment të bukur”, tha ajo.
Vesa Luma dhe reperi ‘Big Basta’ kanë vite martesë dhe janë prindër të një djali. Ata u shpërngulën në Zelandën e Re për t’ia nisur nga e para, megjithatë jemi të emocionuar për rikthimin e tyre në vendlindje, e këtë herë me surpriza e projekte muzikore.
