Vesa Luma është një këngëtare mjaft e dashur për publikun shqiptar. Së fundmi, ajo ka publikuar një postim mjaft prekës në rrjetin social Instagram.
Ajo ka kujtuar përvjetorin e lindjes së babait të saj të ndjerë.
Madje, ajo ka postuar një pjesë nga kënga “Sa mall” të publikuar në vitin 2016.
“Urime ditëlindjen në parajsë baba. Sa shumë do të doja ta njihje Lianin që po trashëgon shumë nga ti”, theksoi ajo.
“Do të festojmë sot për jetën tënde të shkurtër, por që e jetove me pasion dashuri dhe ndershmëri deri në ditën e fundit”, vijoi Vesa.
Më herët, Vesa ka ndarë disa instastory, ku shkruante se i mungon shumë babai i saj.
“Sikur të ishe me ne… të shihje nipat e mbesat që po rriten shpejt dhe që nuk patën fatin të takojnë gjyshin e tyre. Nuk e di kush e ka shpikur fjalinë koha shëron plagët, por nuk ka lidhje me realitetin. Na mungon Babi”, shkruante Vesa.
Më herët, Vesa dhe Big Basta festuan 7 vjetorin e kurorëzimit të dashurisë së tyre në martesë. Nuk ka munguar as një dedikim romantik i Vesës ndaj Big Bastës.
“Gëzuar përvjetorin e martesës dashuria ime! Shumë krenare për ne, për vendimet tona, sakrificat e sfidat që i tejkaluam me shumë dashuri duke e vendosur të parën familjen tonë të vogël e të lumtur. Të dua shumë,”– shkruante Luma krahas një video me momente nga dasma.
