Vaksinimi për studentët në këtë vit të ri akademik është vënë kusht nga shkolla e Magjistraturës. Në njoftimin e dhënë në “Facebook”, ky institucion ka njoftuar të gjithë ata studentë që duan të ndjekin këtë shkollë duhet të marrin masat dhe të vaksinohen.
Kandidatëve u është kërkuar që të depozitojnë elektronikisht në sekretarinë mësimore vërtetimin zyrtar me qëllim që të jenë pjesëmarrës në auditorë, duke nisur nga data 4 tetor e në vijim.
NJOFTIMI
“NJOFTIM PËR KANDIDATËT PËR MAGJISTRATË QË STUDIOJNË NË SHKOLLËN E MAGJISTRATURËS
Njoftohen te gjithe kandidatet per magjistrate qe studiojne ne Shkollen e Magjistratures ne vitin akademik 2021-2022, (viti i pare dhe viti i dyte i studimit), qe per te siguruar mbarevajtjen e programit te trajnimit fillestar permes mesimit ne auditor, te marrin masat e nevojshme per te kryer vaksinat anti-Covid.
Cdo kandidat te depozitoje elektronikisht ne sekretarine mesimore vertetimin zyrtar me qellim qe te jene pjesemarres ne trajnimin ne auditor prej dates 4 Tetor 2021 e ne vijim.
Ju kujtojme qe muaji Gusht eshte i hapur per vaksinimin e te gjitha grupmoshave mbi 18 vjec.”
Më tej, institucioni sqaron se kjo vlen për të gjithë ata kandidatë që do jenë pjesë e auditoreve, ndërsa të tjerët që nuk preferojnë të marrin vaksinën mund të ndjekin mësimin online.
“Sqarim nga administrata e Shkollës së Magjistraturës:
Njoftimi i mesiperm nuk mbart detyrueshmeri per personat te cileve ju drejtohet. Ai lidhet vetem me mundesine e ndjekjes se mesimit ne auditor per shkak te kushteve infrastrukturore te nderteses dhe auditoreve te Shkolles se Magjistratures.
Eshte ne zgjedhjen e cdo kandidati nese do te preferoje ndjekjen e mesimit ne auditor ose online, ne varesi te vaksinimit. Shkolla ka praktikuar dhe mund te praktikoje procesin e mesimit hibrid sipas skemave qe zhvilloi ne vitin akademik qe kaloi”, thuhet në njoftim.
