“Too Hot to Handle” tashmë do të vijë dhe në versionin shqiptar.
“Kepi i Tundimeve” do të quhet reality më i ri në Top Channel, pas suksesit me “PërPuthen”.
Olsa Muhameti, autore e “Për’puthen” ka qenë e ftuar në “Goca dhe Gra”, ku ka folur për programin e ri.
“Kepi i Tundimeve” do të ketë 10 konkurrentë të rinj seksi, të cilët do të vendosen në vila në zonën e Kepit të Rodonit.
Të konfirmuar deri më tani janë vetëm tre prej konkurrentëve: Erjola Doci, Fatjon Kuqari dhe një model i huaj, Gabriele.
Programi do të jetë pak a shumë një version shqiptar i “Too Hot to Handle”.
Olsa, njihet si autore e programeve të suksesshme në “Top Channel” por nuk e dimë ende se çfarë surpriza ka rezervuar ajo për serialin e ri.
A do të bazohet seriali tërësisht në versionin e “Too Hot to Handle” në Netflix apo do të përshtatet disi për publikun dhe shikuesit shqiptar?
Çfarë është “Too Hot to Handle”?
Seriali ndjek një kast personazhesh thelbësorë që besojnë se do të kenë një pushim ëndrrash. Festa të mbushura me beqarë të veshur në mënyrë paksa provokuese dhe banja dielli, por i gjithë seriali bazohet tek një “trik” i vetëm.
Çfarë është ky “trik”? Kasti duhet të përmbahet nga të gjitha aktivitetet seksuale, përfshirë dhe puthjet gjatë gjithë kohëzgjatjes së xhirimeve të shfaqjes. Nëse ata janë në gjendje të mbajnë duart larg njëri-tjetrit, mund të largohen me një çmim prej 100,000 dollarësh që ndahet mes konkurrentësh. Sa herë që një çift thyen rregullat, paratë zbriten nga çmimi.
