Vera 2018 do të mbahet mend padyshim si një prej më romantikeve. Vetëm pak javë më parë, Justin Bieber i porpozoi për martesë të dashurës së tij prej pak muajsh Hailey Baldwin, dhe e njëjta gjë ndodhi me këngëtaren Ariana Grande, e cila kishte vetëm 2 javë e lidhur me të dashurin e ri Pete Davidson, kur ai e propozoi për martesë.
Dhe duket se fejesat rrufe nuk kanë përfunduar akoma, pasi një tjetër çift VIP pritet të shkojë drejt altarit së shpejti. Bëhet fjalë për Nick Jonas dhe të dashurën e tij, aktoren Priyanka Chopra, të cilët pas vetëm 2 muajsh lidhjeje, janë fejuar.
Burime pranë çiftit kanë bërë të ditur se 25-vjeçari Jonas i ka propozuar bukuroshes indiane me një unazë Tiffany në ditëlindjen e saj të 36-të dhe mësohet se dyshja është mëse e ekzaltuar për çfarë po ndodh.
Lajmi është konfirmuar tërthorazi edhe nga regjisori i filmit të ri të Chopra-s, i cili në një postim në Twitter ka bërë të ditur se aktorja nuk do të jetë më pjesë e produksionit për një arsye mjaft speciale. Mesa duket, këmbanat e dasmës po dëgjohen që tani!
