Arta Nitaj ishte e eleminuara e natës së pestë të “Dance Albania”. Teksa çdo të hënë të spektaklit të kërcimit një konkurrent lë garën, të tjerë janë në rradhë për t’u bërë pjesë e spektaklit.
Disa ditë më parë u lakua emri i ish-konkurentes së Përputhen, Melisa Lleshit e cila pritet të bëhet pjesë e “Dance Albania”. Mirëpo së fundmi burime për “Kryefjala.com” kanë bërë me dije se një tjetër emër i njohur do t’i bashkohet spektaklit.
Bëhet fjalë për aktorin e humorit, Visjan Ukcenaj, i cili momentalisht është i angazhuar edhe në show-n e përjavshëm të humorit në Klan, Klanifornia-n. Mesa duket këtë herë Vera dhe Alketa nuk ka kërkuar shumë larg, por e kanë gjetur brenda familjes konkurentin.
Sakaq kujtojmë që në natën e katërt të spektaklit të kërcimit “Dance Albania” janë prezantuar dy konkurrentë të tjerë të rinj.
Këngëtarja e njohur Adelina Tahiri i është bashkuar kastit të konkurrentëve në emisionin e kërcimit. Të pranishëm në skenë për të ndjekur Adelinën, ishin edhe bashkëshorti dhe djali i saj.
“Jam më tepër se e emocionuar këtë radhë sepse kemi punuar në këtë skenë me ju dhe Verën. Por këtë herë kam dy herë më shumë emocione sepse për herë të parë kam çunin, kam burrin në skenë. Bashkëshorti është hera e parë që vjen sepse rri larg kamerave, nuk ka shumë dëshirë, por dashuria e madhe dhe përkrahja duhet të na rrijë ndonjëherë dhe mbrapa. Faleminderit shumë dhe ju dua shumë”, u shpreh këngëtarja gjatë emisionit.
Konkurrenti tjetër i ri i “Dance Albania” ishte edhe ish-konkurrenti i “Big Brother Vip”, Meridian Ramçaj.
“Është kënaqësi dhe mezi po pres ta shijoj në maksimum këtë eksperiencë fantastike”, tha Ramçaj.
