Miley Cyrus e ribashkuar me Liam Hemsworth shijuan një darkë në Manhattan mbrëmjen e së martës. Këngëtarja 23-vjeçare u shfaq me unazën e saj me diamant 3.5 karat, rreth 100.000 dollarë, që i ka dhuruar i fejuari i saj 26-vjeçar para ndarjes në 2012-n. Dyshja u panë për herë të parë dorë për dore pas rilidhjes.
Por çifti nuk do të flasë për marrëdhënien e tyre dhe Liam pak muaj më parë ka thënë se ai nuk ka gjë për të thënë. “Njerëzit duhet ta kuptojnë vetë. Unë kur të ndiej diçka do ta bëj. Do të marr vendime për të qenë i lumtur dhe kjo është e drejta ime”, tha ai.
Ata janë ribashkuar në fillim të këtij viti, por kanë vendosur të shijojnë lidhjen duke mos e zyrtarizuar atë. Ndërkohë që vetëm pak kohë më parë një burim i afërt i çiftit zbuloi se ata kanë vendosur që të martohen këtë verë në Australi.
Burimi: Daily Mail
