Kënga Magjike startoi mbrëmjen e djeshme natën e parë të saj, ku kënduan konkurrentët më të rinj, të cilët presin të kualifikohen në natën finale.
Një juri profesioniste i gjykoi duke dhënë mendimin e tyre për çdo këngë konkurruese. Por Venera Lumani, anëtare e kësaj jurie iu ka nxjerrë bojën, duke publikuar një pjesë të skenarit të parapërgatitur që ajo mbante në dorë.
Çdo mendim i dhënë nga juria ishte i përgatitur, madje edhe e qeshura epike e Sardit duket se është menduar në çdo detaj.
Në publikimin që ka bërë Venera në “Instagram” mes rreshtave lexohet çdo fjalë që ajo dhe Juliana thanë gjatë spektaklit.
“S’kam ça me thon. Ju duhet ta bëni publikun për vete. Hytë sikur do dilni”, shkruhet në skenarin që Venera mban në dorë.
Normalisht që çdo spektakël ka një skenar, por jo të kontrollosh edhe mendimet e jurisë. A duhet të besojmë tek gjykimi i tyre?
