Kërpudha e famshme e Kryeministrisë është rikthyer sërish në kopshtin e institucionit!
Lajmin e ka bërë të ditur kryeministri Edi Rama, i cili ka publikuar disa foto nga punimet për vendosjen e kërpudhës, vetëm se këtë herë ka një ndryshim!
Ai shprehet se kërpudha do të jetë 1 metër më e lartë se ç’ishte ndërsa jep edhe një mesazh për opozitën:
“Pas shkatërrimit të saj nga molotovarët e pranverës së shkuar, KËPURDHA e artisit të mirënjohur bashkëkohor Carsten Holler, dhuruar prej tij nga cikli i koleksionit të famshëm të disa muzeve prestigjozë të botës, është rikthyer në vendin e vet 1 m më e lartë se ç’ishte?
*karakteristika e kësaj këpurdhe është se kur goditet rritet, kështu që kush e sulmon duhet ta mësojë se vetëm e lartëson??”!
Kërpudha u shkatërrua në shkurt pas protestës së thirrur nga opozita ku i vendosën flakën hyrjes së Kryeministrisë disa herë, ndërsa u shkatërruan edhe instalacionet, mes tyre “Kërpudha Gjigante me Tri Pjesë”, e vendosur në kopshtin e selisë së qeverisë, që ishte një vepër arti, dhuruar nga autori Carsten Holler.
https://www.instagram.com/p/CC-t87qJfWW/
