Është koha që filloni të planifikoni udhëtimet e 2018-s. Në fund të fundit, rezervimi i hershëm është mënyra më e lehtë dhe më e sigurt për të përfituar çmimet më të mira të fluturimeve dhe hoteleve. Përfshini këto vende në listën e udhëtimeve që duhet të bëni këtë vit sipas studimit të bërë nga “Skyscanner”.
Dashi: Tenerife
Për Dashin, 2018-ta do të jetë një vit i mbushur me pasion, zbulime të reja, dashuri me shikim të parë. Përse të mos e prisni dashurinë në Tenerife, nën hijen e një palme? Me shkathtësi dhe siguri në vete, karakteristika për ju që i përkasni kësaj shenje.
Demi: Helsinki
Të lodhur dhe në kërkim të stabilitetit, ju që i përkisni shenjës së Demit, do të gjeni frymëzim në një peizazh me borë në Helsinki, kryeqyteti i Finlandës. 2018-ta do të jetë për ju një vit i qetë, i reflektimit, paqes së brendshme: Dhe nuk ka vend më mirë se një qytet mikpritës e kreativ, kaq i pasur me stimuj.
Binjakët: Pekin
2018-ta për Binjakët do të sjellë shumë kënaqësi dhe arritje objektivash të pabesueshëm. Do të shkoni përtej limiteve. Dhe ja sepse udhëtimi ideal për ju lidhet me një vend të largët, në Pekin, mes një shëtitje në Murin e Madh Kinez dhe një selfie në Sheshin ‘Tienanmen’, më i madhi në botë.
Gaforrja: Zanzibar
Për ju që i përkisni shenjës së Gaforres, “Skyscanner” këshillon një udhëtim në Zanzibar, destinacioni ideal për t’u rigjeneruar dhe për të gjetur gjithçka të bukur që është ruajtur në zemrën tuaj. Pas një 2017-te me angazhime të shumta, 2018-ta do të jetë një vit që do të sjellë mjaft kënaqësi nga pikëpamja profesionale. Dhe ripërtërimi i energjive, para se të zhyteni sërish në rutinë, është i rëndësishëm.
Luani: Marrakesh
Për Luanin, 2018-ta do të jetë një vit në kërkim të dashurisë, mes pasionit dhe rikthimit të dashurive të vjetra. Për ju, destinacioni ideal, me magjinë dhe mjedisin romantik, është Makarreshi. Është një destinacion ekzotik, të cilin ndoshta nuk e çoni ndër mend, por është një surprizë e vërtetë për ju që do të vendosni ta vizitoni.
Virgjëresha: Bali
Të gjithë ju që i përkisni shenjës së Virgjëreshës, në vitin 2018 do të viheni në provë. Është e rëndësishme të qëndroni larg zënkave dhe polemikave, në familje dhe në punë. Dhe ja sepse, Bali është vendi i duhur për të gjetur paqen e brendshme, mes një seance joge në Ubud, shëtitje në zemër të ishullit dhe pak sërf në brigjet e Ovest, do të ishin ideale.
Peshorja: Porto
Në vitin 2018, ju që i përkisni shenjës së Peshores do të shpërbleheni për sakrificat në 2017-n. Do të vijnë surpriza dhe do t’ju kthehet entuziazmi, por edhe pak nostalgji. Udhëtimi ideal është Porto, qytet në Portugali që nuk e njeh melankolinë dhe është një ndërthurje e kënaqësisë, kreativitetit, ushqimit të mirë dhe klimës.
Akrepi: Nju-Jork
Për ju të shenjës së Akrepit, të angazhuar në mijëra punë dhe që shpesh humbisni rastet më të mira, duhet një qytet i pasur me stimuj dhe energji. Qyteti ideal për ju është Nju-Jorku.
Shigjetari: Pragë
2018-ta për ju që i përkisni shenjës së Shigjetarit do të jetë një vit konfirmimesh në aspektin personal, por edhe me zhvillime të rëndësishme në aspektin profesional. Udhëtimi ideal? Një udhëtim në Pragë, për të forcuar një lidhje miqësie. Ose mund të shkoni me njeriun e zemrës për të ndezur edhe më shumë pasionin mes jush.
Bricjapi: Moskë
Triumfe, suksese në punë, objektiva të arritur: 2018-ta për ju që i përkisni kësaj shenje do të jetë një vit arritjesh. Destinacioni ideal është Moska, me Sheshin e Kuq dhe monumente të shumta për t’u vizituar
Ujori: Amsterdam
Ujori është shpirt i lirë, plot me entuziazëm. Dhe vitin 2018 e prisni me dëshirën për autonomi dhe kreativitet. Ky është rasti i duhur për të shkuar e për të zbuluar Amsterdamin, një qytet vibrues nga energjia.
Peshqit: Katania
Ju që i përkisni shenjës së Peshqve keni nevojë të gjeni frymëzimin, për ndryshime dhe projekte të reja për t’u vënë në provë. Për të eksploruar horizonte të reja, ju këshillojmë Katanian, një vend i bukur ku ndërthuren shumë kultura. Është vendi ideal për të gjetur frymëzimin.
