Kjo javë nuk do të na japë aspak idenë e pranverës! Ndërsa javën e kaluar u parashikua që vendi do të përfshihej nga reshjet e shiut, në fakt e tillë do të jetë situata këtë javë.
Sipas meteorologëve, parashikohet që nga sot dhe deri në fund të javës i gjithë vendi do të përfshihet nga moti i ftohtë.
Po ashtu në pjesën më të madhe të vendit do të ketë reshje shiu, ndërsa nuk përjashtohet dhe mundësia për reshje dëbore në zonat malore.
Nga sot dhe në vazhdim duhet që të shtoni një veshje më shumë, pasi do të ketë ulje të ndjeshme të temperaturave. Situata shihet se do të ndryshojë paksa vetëm ditën e diel.
