Shqipëria hyn në vendet me rrezik të mesëm për të udhëtuar.
Specialistët ndërkombëtarë të mjekësisë dhe sigurisë SOS Ndërkombëtar, kanë publikuar hartën e tyre të vendeve më të rrezikshme në botë për vitin 2020.
Ky studim i ndan destinacionet në pesë kategori të ndryshme: rrezik i parëndësishëm, i ulët, i mesëm, i lartë dhe ekstrem.
Vendet më të sigurta në tokë u shpallën vende të cilat mbanin këtë pozicion prej vitesh, si: Finlandë, Norvegji dhe Islandë.
Vendet me nivelet më të larta të rrezikut janë Libi, Somali, Afganistan dhe Venezuelë.
Sipas të dhënave, Shqipëria hyn në vendet me rrezik të mesëm për të udhëtuar, e ngjyrosur me të verdhë, sikurse i gjithë Ballkani.
/Monitor
