Festimet dhe traditat për Vitin e Ri ndryshojnë nga njëri vend në tjetrin, por në pjesën më të madhe të vendeve të botës, nata e Vitit të Ri është një nga festat më të rëndësishme, e cila festohet me miq e familjarë.
Dhjetë vendet ku mund të kaloni një natë të paharrueshme të ndërimit të viteve janë :
Nju Jork, SHBA
Një nga festimet më të mëdha të botës ka parë topin gjigant në Times Square për më shumë se 100 vjet. Më shumë se 1 milion njerëz ndjekin këtë eveniment. Nëse nuk preferoni të përfshiheni në turma gjigante, në Nju Jork gjenden vende të tjera fantastike ku mund të kaloni festën e ndërrimit të viteve. Qyteti i Nju Jorkut ofron diçka për këdo, prandaj mos e humbisni rastin ta përjetoni festën e bukur në këtë vend fantastik.
Las Vegas, Nevada
Mundësitë e argëtimit, që ju presin në qytetin më të famshëm të botës për dëfrim, Las Vegas, janë të shumta. Aty festohet në mënyrë të jashtëzakonshme çdo eveniment festiv, nata e Vitit të Ri ofron mënyrën më interesante për të festuar. Rruga kryesore mbyllet për automjetet dhe mungesa e trafikut mundëson kalimtarët të ecin e të shohin fishekzjarrët e mesnatës, të cilat shpërthejnë prej çative të shtatë hoteleve dhe kazinove të ndryshme. Përveç festës së rrugës, klubet dhe kazinotë, ofrojnë qindra festa dhe aktivitete për të gjithë njerëzit.
Rio de Zhaneiro, Brazil
Njësoj si Barcelona, Rio njihet si një nga kryeqytetet e festave në botë. Aty festa fillon dhe përfundon në Plazhin Kopakabana. Qendra e festave është në këtë plazh të famshëm, që përfshin zhanre muzikore të ndryshme dhe aktivitete gazmore. Festa e ndërrimit të viteve përfshin edhe një nga shfaqjet më masive të fishekzjarrëve në botë rreth 1200 fishekzjarrë.
Londër, Angli
Miliona londinezë mblidhen në sheshin Trafalgar. Në mesnatë, kulla rreth Big Ben-it fillon shpërthimin e fishekzjarrëve shumë ngjyrësh. Më pas gjithë sytë kthehen nga Syri i Londrës ku përvec spektaklit me fishekzjarre bëhet edhe një aktivitet kulturor më muzikë të zhanereve të ndryshëm, por ajo që mbizotëron është muzika rok.
Paris, Francë
Pse Parisi? Sepse këtu feston ardhjen e Vitit të Ri në një nga qytetet më madhështore të botës! Nëse doni të kërceni, pini e të shkoni në klube nate, apo thjesht doni të shijoni një mbrëmje të qetë me miqtë tuaj, Parisi ofron gjithçka për të kaluar sa më mirë Vitin e Ri.
Madrid, Spanjë
Dhjetëra mijëra madrilnë mblidhen para “Puerta del Sol” për një ritual vjetor, i cili mendohet se sjell mbarë si për vitin tjetër dhe më pas shkojnë në vendin e quajtur “Gran Via” për të parë hedhjen e fishekzjarreve.
Beirut, Liban
Çdo Vitit të Ri është një premtim se çdo gjë do të jetë më mirë në kryeqytetin e Libanit dikur të shkatërruar nga lufta. Mijëra njerëz mblidhen në sheshin qëndror të Beirutit për të parë shfaqjen e fishekzjarrëve që bëhet aty.
Tokio, Japoni
Nëse planifikoni të festoni Vitin e Ri në Tokio, duhet të dini se festa zgjat shumë. Në Tokio, festa e Vitit të Ri mund të zgjasë deri në një javë, ku festimet nisin që në datën 29 dhjetor e zgjasin deri më 4 janar. Fishekzjarrë, kërcime dhe këngë janë normale, siç është dhe gatimi tradicional i Toshikoshi Soba. Kulla e Tokios është vendi më popullor në qytet, ku mblidhen turmat më të mëdha. Një tjetër arsye për të vizituar këtë qytet të bukur në këtë kohë, është se dyert e Pallatit Perandorak hapen për publikun në datën 1 Janar, një nga dy ditët e vetme në të gjithë vitin.
Ishulli i Krishtlindjeve, Paqësori Jugor
Ai është ndër vendet e para të banuara në botë për të festuar Vitin e Ri. Me vetëm 5000 banorë, Vitit të Ri kë tu është më shumë një çështje intime.
Sidnej, Australi
Qyteti më i madh në Australi dhe i pari në botë që feston natën e ndërrimit të viteve. Fishekzjarrët në Portin e Sidnej janë pjesa më interesante e festës në Australi. Fakti që në këtë kohë është verë në Australi, ofron një ndjesi të veçantë për Hemisferën Veriore. Fishekzjarrët e mëdhenj janë arsyeja kryesore pse njerëzit nga e gjithë bota vijnë në Sidnej për të festuar Natën e Vitit të Ri.
