E dini se për të pasur sot lëkurën e bronxtë perfekte në fotot tuaja të Instagramit, nuk ka rëndësi sesa herë keni shkuar në plazh apo nëse keni blerë atë kremin për nxirje të shpejtë.
Të gjithë i kemi parë fotot e fashionistave, Lori Hoxha dhe Aurela Hoxha që shfaqen me lëkurën e tyre me një ngjyrë kaq perfekte saqë na bëjnë t’i kemi zili.
Por jo të gjithë ne mund të bëjmë pushime 2-3 herë në vit dhe të shkojmë në vende ekzotike për të marrë ngjyrën e dëshiruar. Nëse e gjeni veten pikërisht te ky grup njerëzish, atëherë ne ju këshillojmë një aplikacion ideal, falë të cilit mund të realizoni fotot perfekte të plazhit.
Ai quhet VSCO dhe madje përdoret edhe nga blogeret e njohura që kanë më shumë mundësi për të frekuentuar vendet ekzotike sesa ne. Mjafton një foto e juaja me rroba banje dhe falë VSVO mund të rregulloni tonet e lëkurës dhe të arrini rezultate optimale, të ngjashme me ato që shohim çdo ditë në Instagram.
VSCO është një aplikacion për editimin e fotove që shkarkohet falas në telefonat celularë iOS and Android. Por përveç disa filtrave që janë pa pagesë, fatkeqësisht filtrat si këto për arritjen e një lëkure të bronxtë janë me pagesë (rreth 23 dollarë në vit), por nëse keni një kartë krediti dhe regjistroni të dhënat tuaja, mund ta përdorni falas për një javë.
Besojmë se kjo kohë është e mjaftueshme për të bërë një album veror perfekt për në Instagram apo jo?
Para se ta provoni ta shkarkoni në celularin tuaj, “Iconstyle.al” ju këshillon të përdorni filtrat e mëposhtme për të arritur rezultate të papara në fotot e plazhit.
Më poshtë keni dhe një video tutorial, që ju mëson hap pas hapi sesi të arrijmë lëkurën e bronxtë perfekte.
