Liam Payne i kaloi vitet e fundit të jetës së tij në krizë, thotë një burim për Page Six.
“Liam kishte kaluar nëpër periudha të vështira për një kohë të gjatë. Ai ishte i hapur për betejat e tij, por ndonjëherë u përpoq t’i minimizonte ato. Demonët e tij ishin shumë më të këqij se sa ai i tregonte.”- tha burimi.
Payne vdiq të mërkurën në Buenos Aires pasi u rrëzua nga kati i tretë i një hoteli.
Shkaku i vdekjes nuk u bë i ditur menjëherë, por policia tha se këngëtari mund të ketë qenë “nën ndikimin e drogës ose alkoolit” përpara se të hidhej nga ballkoni i dhomës.
Më herët gjatë ditës, Payne postoi një video në Snapchat duke thënë se ai po kalonte një “ditë të bukur në Argjentinë” me të dashurën e tij, Kate Cassidy, por dukej se ishin pamje të vjetra, pasi ajo udhëtoi në shtëpi në Florida më herët këtë javë.
Ylli anglez i popit, i cili filloi në “The X Factor” në 2008 si një e pesta e One Direction, kishte folur në vitet e fundit për luftën kundër varësisë dhe çështjeve të shëndetit mendor.
