Vajza e ish-diktatorit të Uzbekistanit, Islam Karimov, humbi jetën më 22 nëntor, nga helmimi. Sipas mediave vendase, ish-miliarderja Gulnara Karimova, ishte mbyllur që nga viti 2013 nga babai i saj.
Por ajo që i ka ndodhur 44-vjeçares mbetet ende një mister, pasi versionet për zhdukjen e saj janë të ndryshme.
Disa raportojnë se miliarderja ishte mbyllur në një spital psikiatrik, të tjerët thonë se ajo po mbahej në arrest shtëpiak, ndërsa të tjerë sugjerojnë se ishte arratisur në Izrael.
Madje, ato shkojnë më tej duke pretenduar se mënyra për ta kthyer Gulnara-n në atdhe, ishte mashtrimi nëpërmjet djalit të saj të vogël. Të njëjtat burime vijojnë me historinë, e cila mbyllet në 5 nëntor, kur ajo humbi jetën.
Pasardhësja e ish-diktatorit, u dënua për shkak të përfshirjes së saj në një rrjet të gjerë prostitucioni, prej të cilit ajo përfitoi 600 milionë dollarë. E konsideruar si një nga femrat më të fuqishme të Azisë Qendrore, Gulnara synonte të merrte sërish në dorë pushtetin.
Sipas burimeve, vetë babai i saj mori pjesë në funeral, ndërsa djali i saj Islam është lënë në Tashkent në një gjendje të pashpresë. Por nga ana tjetër 24-vjeçari Islam besohet se është arratisur në Londër.
Burimi: Daily Mail
