Vdekja tragjike e të riut Florenc Beqiraj ka vënë në lëvizje institucionet shqiptare, dhe ato franceze. Regimi më i madh ka ardhur nga opinioni shqiptarë, i cili ka organizuar edhe një protestë për Florencin.
Një zëdhënës i spitalit të Marsejës ku humbi jetën i riu shkodran, ka thënë për “Reuters”, se 23-vjeçari “vdiq pavarësisht kujdesit që i kishin dhënë nga ana e stafit mjekësor”.
Ai nuk përmendi asgjë në lidhje me akuzat e familjarëve, se Florencit i hoqën tubat e oksigjenit që e mbanin në jetë duke mos pyetur të afërmit.
Në lidhje me vdekjen e të riut ka reaguar edhe Ministria e Punëve të Jashtme në Shqipëri, që në një deklaratë ka njoftuar se Florencit do t’i kryet autopsia, por nuk jep asnjë të dhënë me pretendimet e familjarëve të tij.
“Pas disa ditësh në koma të thellë, në datën 21 dhjetor, ora 18:30, u konstatua se z. Florenc Beqiraj. Trupi i tij u transportua në pavijonin e mjekësisë ligjore të Marsejës, më 23 dhjetor, konform udhëzimeve të Prokurorisë, e cila kërkoi të kryhej autopsia. Autopsia do të kryhet në ditë e ardhshme, ndërkohë që hetimi vazhdon.”, ka njoftuar ditën e djeshme Ministia.
Prindërit e Florencit pretendojnë se vdekja e tij ka ardhur pasi ai është dhunuar në burg, ndërsa autoritete franceze kanë deklaruar se Florenci është gjetur në burg në gjendje të rëndë pas një tentativë vetëvrasjeje. 23-vjeçari ishte arrestuar për mungesë të dokumenteve.
