Duke nisur nga e diela dhe gjatë javës së ardhshme, Italia përgatitet për një valë të re të nxehti, shumë më e fuqishme se ajo që sapo përfundoi. Meteorologu Mattia Gussoni nga portali iLMeteo.it paralajmëron një bllok të gjatë atmosferik me anticiklon afrikan që do të mbajë temperaturat mbi mesataren klimatike në pjesën më të madhe të vendit.
Temperaturat pritet të arrijnë deri në 37°C në shumë zona, ndërsa në ishujt e mëdhenj Siçili dhe Sardenjë, nxehtësia mund të shkojë deri në 40°C, veçanërisht në zonat e brendshme. Edhe qytetet e mëdha si Roma, Milano e Bolonja do të përballen me temperatura të larta, rreth 33-34°C, të shoqëruara me lagështi.
Kjo periudhë me mot të nxehtë dhe shumë diell do të zgjasë nga 9 deri më 15 qershor, ndërsa reshjet priten të jenë të rralla, përjashtuar disa stuhira të izoluar në zonat alpine lindore.
