Festivali i Filmit në Kanë vijon me shfaqjen e premierave më të mëdha të filmave.
Dje ishte një ditë e rëndësishme pasi u shfaq filmi i shumëpritur i Quentin Tarantino-s, “Once upon a time in Hollywood”.
Emra të mëdhenj të kinematografisë si Leonardo DiCaprio, Brad Pitt, Margot Robie etj parakaluan në tapetin e kuq duke i bërë të gjithë t’i kishin sytë mbi ta.
Por pjesë e magjisë së tapetit të kuq u bënë edhe dy vajzat shqiptare, Armina Mevlani dhe Heidi Lushtaku.
Ndonëse mbërritën pak me vonesë në premierë, Armina dhe Heidi shkëlqyen në kuptimin e parë të fjalës.
Blogerja e njohur kishte veshur një fustan bust ngjyrë portokalli të Vivienne Westwood, ndërsa Heidi ishte veshur me një fustan saten ngjyrë rozë.
Festivalit të Kanës i është bashkuar edhe një bukuroshe tjetër shqiptare. Bëhet fjalë për Aurela Hoxhën e cila mbërriti dje në Kanë e veshur me shumë stil.
Nuk e dimë në cilën premierë do ta shohim Aurelën, por e dimë që nuk do të na zhgënjejë më look-un e saj.
