Kim Kardashian, Kylie Jenner dhe Rihanna na paralajmëruan për trendin e ri të pantallonave dhe ja ku erdhi koha e tyre.
Një prej trendeve më të vjetra të pantallonave, ato lateks është rikthyer këtë dimër dhe po bën namin në mesin e të famshmeve shqiptare.
Përmes disa postimeve në Instagram, fashionistat shqiptare, të cilat janë edhe influencuese të mëdha të modës, sjellin versione të ndryshme të pantallonave lateks.
Ashtu si Kim Kardashian, Lori Hoxha, Kejvina dhe Arbana vijnë me versionin klasik, atë të zi me shkëlqim të pantallonave.
Pak kohë më parë, Kylie Jenner solli një version më të zjarrtë të pantallonave atë në ngjyrë të kuqe, kombinuar me një crop-top në po të njëjtin material.
Pas e ndjekin Kejvina dhe Bebe Rexha me pantallonat lateks në ngjyrë të kuqe gjaku, që i shkojnë tepër një bjondeje.
Dhe Rihanna solli më herët një stil sportiv të pantallonave lateks të ngjashme me ato të çiklizmit, të cilat mund të vishen me taka por edhe me atlete.
Nicki Minaj dhe Kylie Jenner sollën versionin më të ëmbël të pantallonave lateks, atë ngjyrë rozë, që i bën të duken si Barbie.
U bindët tani që këto janë pantallonat e sezonit?
