Vera është e mbushur me gjëra të mrekullueshme, por një make up që shkrin nga temperaturat e larta, nuk është një ndër to.
E të famshmet shqiptare e dini mirë këtë fakt, ndaj kanë braktisur make up-in e fortë për të përqafuar thjeshtësinë.
Më poshtë, ju rendisim disa nga të famshmet shqiptare që janë besnike e këtij trendi. Ndaj bëni mirë t’i hidhni një sy, mund të frymëzoheni për ta realizuar në eventin e rradhës.
Elvana Gjata
Këngëtarja Elvana Gjata prej disa kohësh, po i qëndron besnike make up-it minimalist. Në videoklipet e realizuar së fundmi, vërejmë se këngëtarja e hitit “Mike” ka vendosur të duket sa më natyrale, duke theksuar vetëm tiparet.
Oriola Marashi
Nëse nuk po realizon ndonjë set fotografik, ish-modelja e “Icon Agency” Oriola Marashi shfaqet me një make up që të bën të dyshosh, nëse realisht ka vendosur grim. Fundja-fundit, nuk i duhet aspak se duket e mrekullueshme edhe pa të.
Amarda Toska
Mjafton pak rimel, penel dhe shkëlqyes dhe Amarda Toska është gati për të dalë në transmetim. Moderatorja shqiptare preferon të duket natyrale dhe nuk guxon të shfaqet me tualet të rënduar edhe nëse është duke prezantuar spektaklin. Ajo është vlerësuar gjithmonë për thjeshtësinë që prezanton.
Aurela Hoxha
Të gjithë i adhurojmë qukat në fytyrë të modeles shqiptare Aurela Hoxha. Së fundmi, ajo ka zgjedhur të duket mjaft natyrale dhe e vetmja herë që guxon, janë ditët kur buzët i bën në ngjyrë të kuqe.
Miriam Cani
Të gjesh një foto me tualet të rënduar të këngëtares Miriam Cani është njëlloj si të kërkosh gjilpërën në kashtë. Nëse nuk ka vendosur fare make up, atëherë këngëtarja thjesht është lyer shumë shumë lehtë.
Klea Huta
Klea Huta është besnike e natyrales dhe ngjyrave të tokës. Bukuroshja e ekranit shfaqet gjithmonë me flokët e lëshuara e të drejtë duke theksuar vetëm pak sytë.
Xhesika Berberi
Modelja Xhesika Berberi aka Gigi Hadid shqiptare, shfaqet në rrjetet sociale e lyer shumë shumë pak. Jo vetëm në përditshmëri, por edhe në shumicën e seteve fotografike të realizuar, Xhesika duket mjaft natyrale, duke përdorur make up në ngjyrat e tokës.
