Përtej shkëlqimit dehës të tapetit të kuq, qëllimi kryesor i “Academy Awards” është një gjë më e thjeshtë, të çosh në shtëpi një trofe të” Oscar”-it.
Dhe me sa duket, ky trofe i ka frymëzuar femrat më të famshme të Hollivudit, të paktën në momentin kur ato zgjodhën veshjen e tyre, për ceremoninë e së dielës, në Teatrin Dolby, në Los Angeles.
Nga fustani i shndritshëm Kaufman Franco i Jessica Biel, te fustani i artë Gucci i Dakota Johnson, ndikimi i statujës së florinjtë ishte i dukshëm.
Edhe Emma Stone, e cila u shpall aktorja më e mirë për muzikalin “La La Land” kishte zgjedhur këtë hije metalike, me fustanin e saj Givenchy Haute Couture, nga Riccardo Tisci.
E veshur në të artë ishte edhe Chrissy Teigen, e cila kishte zgjedhur një krijim të Zuhair Murad, me një pelerinë të gjatë. Modelja e Sports Illustrated dukej mahnitëse e veshur me këtë fustan, që kishte një të çarë në anën e majtë që nxirrte në pah këmbën e saj të tonifikuar.
Duke pozuar përkrah bashkëshortit të saj, John Legend, Chrissy dukej se po e shijonte atë natë. Çifti u shfaq më i dashuruar se kurrë , teksa qeshnin dhe i mbanin duart njëri-tjetrit.
Nicole Kidman, e nominuar për aktoren më të mirë ,për rolin e saj në filmin “Lion”, shoqërohej gjithashtu nga bashkëshorti i saj Keith Urban.
Bukuroshja australiane shkëlqente e veshur me një fustan Armani Prive. Ajo humbi trofeun përballë Octavia Spencer, e cila fitoi për filmin “Hidden Figures”.
