Vajza më e vogël e politikanit Koço Kokëdhima, Era, u vendos së fundmi në qendër të vëmendjes, pasi u fotografua në një shëtitje me babanë në kryeqytet. Por shumë persona ndoshta nuk ishin në dijeni të faktit se Kokëdhima ka tre vajza, dhe Era është e fundit në radhë.
Ndryshe nga dy motrat e saj, ajo nuk është një personazh publik, pasi Bora është e njohur si stiliste, ndërsa Besa, si këngëtare.
Teksa shohim profilin e saj mund të dallojmë mes fotove një nga detajet që tërheq vëmendjen: dëshira e Erës për të qenë gjithmonë në ndryshim dhe sidomos kur flitet për ngjyrën e flokëve.
Vështirë të ketë mbetur një model ose nuancë, të cilën Era nuk e ka provuar përgjatë viteve, ndërsa së fundmi ka vendosur që të jetë bionde. Vendim të cilin duket sikur e mori edhe me mendimin e ndjekësve të saj të “Instagram”-it.
Me krijimin e lëvizjes politikë nga babai i saj, “Zgjidhja”, Era duket se i është përkushtuar politikës, teksa mbështet dhe përkushtohet në takimet e Koço Kokëdhimës me qytetarët.
Por ajo duket se është një motër shumë përkrahëse, kur flitet edhe për Besën. Gjatë pozicionit të Besës si anëtare e jurisë së “The Voice of Albania”, Era ka qenë gjithmonë me postimet e saj krah skuadrës së të motrës.
Ndryshe nga motrat e saj më të mëdha, nëse shohim profilin e saj mund ta quajmë më të lirshme dhe “moskokëçarëse”. Era nuk e ka problem të shfaqet pa makijazh, me flokët e çrregullta apo format e bëshme pa “photoshop”.
Për të nuk është aspak problem t’i thotë gjërat në mënyrën që i vjen, duke mos censuruar “fjalët e pista”.
Dashuria e saj më e madhe për momentin duket se është qeni, duke e cilësuar si “tatuazh në zemër”, apo duke arritur në ekstrem me dedikime për qenin si: “Kur të shoh ty shoh gjithë botën. Dashuria e prindit është e papërshkrueshme. Të dua”.
Pavarësisht kësaj, një burim ka bërë me dije se dy vite më parë lidhja më e njohur e Erës për familjen Kokëdhima ishte ajo me një prej punonjësve të medias që zotëron familja. Por, vetë Era shprehet se asnjë mashkull nuk është më aq i denjë për të duke mos u treguar xhentëlmen mjaftueshëm sa babai i saj Koço Kokëdhima.
Kushtet ekonomike i kanë mundësuar që të bëjë jetën luksoze që dëshiron, por kjo nuk ka qenë një arsye e mjaftueshme për Erën për të qëndruar “larg” realitetit.
Gjithmonë e gatshme për të eksperimentuar dhe e dashuruar pas vetes, duket se Era i ka arsyet për t’u bërë një tjetër personazh i njohur nga familja Kokëdhima.
Burimi: ICONstyle.al
