Çfarë do të thotë nëse mashkulli nuk paraqitet pas caktimit të takimit? Përgjigjet e kësaj pyetjeje që ngrenë shpesh herë femrat, mund ta lexoni më poshtë në disa përgjigje të dhënë nga vetë meshkujt:
Frika nga dështimi
Besoni apo jo – ekziston! Ky është momenti kur mashkulli pa asnjë shpresë dhe pritshmëri ka shkuar në takim, ka menduar se kjo do të jetë vetëm edhe një pije në vazhdim, argëtim i vogël, i shkurtër, dhe pastaj – SURPRIZË. Vajza i ka pëlqyer, gjithçka i pëlqen, më shumë se që ka mundur ta paramendojë, kurse nuk ka shpresuar këtë. Tani pason paniku, kurse pas panikut pason “paraliza”, dhe nga kjo mosparaqitja.
1000 dëshira – një realitet
Duke njohur personin e caktuar, gjatë komunikimit me të, ëndërron për gjëra të shumta që do t’i bëni së bashku. Nuk po mendoj vetëm për fantazitë seksuale, por përgjithësisht, për udhëtime, dalje, argëtim, qëndrim në shtëpi, shkëmbimin e njohurive … Pra, kur të puthësh personin e dëshiruar për herë të parë atëherë bien të gjitha maskat dhe ti përballesh me situatën reale. Puthja e parë është një gjë shumë e rëndësishme. Ndryshe e njofton atë pikërisht në atë moment dhe pastaj idetë dha fantazitë e ndryshme të cilat të silleshin në kokë bien në ujë , nëse personi nuk i përmbushë pritshmëritë tuaja. Kimia duhet të ekzistojë, dhe atëherë shihet më së miri a ekziston apo jo.
Nuk është vetëm, kërkon argëtim
Kjo për fat të keq është dukuri e shpeshtë, por edhe plotësisht normale. Në kuadër të këtij fenomeni ekzistojnë dy ndarje, e këto janë meshkujt që kanë të dashur, por të cilët me vetëdije janë ngatërruar në aventurë të re, duke shpresuar argëtim vetëm për një natë, si qëllim të vetëm. Pas fitores së kalasë kthehen dhe ikin. Janë gjatë në lidhje, nuk kanë planifikuar të ndërprejnë lidhjen, ndoshta edhe do të dëshironin t’i përkushtohen ndonjë lidhje të re, por thjeshtë mbeten në zonën e tyre të komoditetit.
Thjesht nuk i pëlqen
Pa marrë parasysh se në momentin e dhënë ka treguar interesim (ndoshta edhe jo por ju vajzat ashtu e keni interpretuar) meshkujt ndonjëherë nuk veprojnë në pajtim me sjelljen e tyre. Femrat do të duhej të pranojnë faktin se ndoshta nuk i pëlqen mjaftueshëm që me të të kalojë kohë. Sa do që kjo të duket e vrazhdë, gjithkush ka të drejtë në zgjedhjen e tij.
Duke pritur … diçka (?!)
Ky është lloj i veçantë që edhe meshkujt nuk e kanë plotësisht të qartë. Ndonjëherë mashkulli taktikisht pret të lajmërohet pasnesër sepse e di se femra nuk do të lajmërohet e para. E çfarë pret në të vërtetë? Epo nuk e di, por a e din edhe ai vetë. Ndoshta pret që asaj të fillojë t’i punojë sensori i “mungesës” dhe të lajmërohet e para.
Bëhet i rëndësishëm
Meshkujt ndonjëherë përdorin këtë lloj taktike që të “sigurojnë” takimin tjetër. Është e njohur tashmë se njerëzit dëshirojnë atë që nuk e kanë. Nëse nuk ju thërret pas disa ditësh, atëherë nuk bëhet fjalë për taktikë, por ndonjë arsye tjetër.
