Këngëtari Sabian Mejdini, ka krijuar shumë mbështetës këtë ‘Big Brother VIP’, por padyshim mbështetja më e madhe mbetet vajza e tij Keisi.
Ajo përherë e mbështet me statuse dhe shkrime të ndryshme, madje para pak kohësh i bëri surprizë një bluzë me dron në shtëpinë më të famshme në Shqipëri.
Sabiani këtë javë është në nominim, pasi ka pasur debate me Einxhel dhe djemtë Pajtimi dhe Arbëri.
Pas spektaklit Einxhel ka qenë duke diskutuar për Sabianin dhe vajza e tij, e cila me siguri e ndjek reality-show 24 orë ka postuar një story me shkrimin:
“O Sabiano i ke bërë fantazmat me fol me vete… ah sa po përmbahem mos të them diçka më tepër”.
Përveç Keisit, bashkëpunëtori kryesor i Sabianit, këngëtari dhe producenti Petro Xhori, ka hedhur një status me kunjë për produksionin e ‘Big Brother VIP’.
“Ore nuk kam gjë realisht me asnji, po si ka mundësi që Sabiani është ke 5 më pak të pëlqyerit aty kur të tjerët kanë nga 1000 msg negative dhe sjanë fare ke ajo lista o ‘Big Brother VIP’? ”
Sabiani edhe kësaj here nuk e përjetoi shumë mirë nominimin. Ai e ka nisur javën disi i mërzitur dhe Iliri, i cili e ka kuptuar pak a shumë që e përjeton keq përpiqet mos ta ngacmojë.
