Tema e kanabisit vazhdon të jetë shumë e nxehtë në Shqipëri (dhe jo vetëm), ndërsa policia vijon aksionin për asgjësimin e tij. Por nga ana tjetër bluzat me figurën e lëndës narkotike, duket se janë kaq në modë.
Ndalimi i kanabisit, ndikon në mënyrën sesi njerëzit e perceptojnë ikonën e gjethes së njohur. Veshjet dhe aksesorët, që kanë sjellë të printuar këtë ikonë kanë nisur të jenë trend, vite më parë dhe vazhdojnë edhe ditët e sotme.
Të printuara në versione të ndryshme, çfarë do t’i thuash me këtë botës?
Pikërisht këtë mund të keni menduar edhe ju kur patë foton e postuar nga vajza e politikanes Majlinda Bregu, Kejda Ajazi, me bluzën me gjethen e kanabisit apo atë të Encës.
Vetëm tre ditë më parë 19-vjeçarja postoi në “Instastory” një foto ku shfaqej e veshur (ne besojmë se është ajo) me një bluzë me imazhin e Marilyn Monroe me armë në duar, fletën e kanabisit dhe fjalën Amsterdam.
Dhe kur flitet për reagimet që mund të marrim nga kjo foto themi se janë tre: pozitive, negative dhe indiferentë.
Ata me një perceptim pozitivë për kanabisin e lidhin simbolin e gjethes me përkrahjen, ndryshimin shoqëror dhe zgjedhjen e tij si bimë mjekësore. Për disa është një përfaqësim i lirive personale, besim në një ditë më të mirë dhe shpresën e një bote më të ndritur. Për shumë prej nesh, nuk është aq dramatike. Ndonjëherë ajo shenjë kuptohet sikur pëlqeni të pini kanabis ose sikur mbështesni idenë për mjekësinë e natyrës.
Më pas janë ato njerëz me perceptim negativë, që për ta ikona e gjethes përfaqëson krim, varësinë ndaj drogave dhe korrupsionin e të rinjve.
Por a është kjo një veshje që e zgjedhim për vete apo për të tjerët? Për të protestuar mendimet negative të të panjohurve?
Cilido qoftë motivimi apo perceptimi, të gjithë mund të pranojmë që nëse zgjidhni këtë veshje atëherë duhet të pranoni edhe pasojat.
Burimi: Iconstyle.al
