Elvana Gjata dhe Ermal Mamaqi udhëtuan dje drejt Kanës, ku mbahet eventi më i rëndësishëm i kinematografisë në Europë.
Protagonistët e “Dy Gisht Mjaltë” ishin atje për të promovuar filmin, duke parakaluar gjithashtu para fotografëve në tapetin e kuq.
Por, në Festivalin e Kanës nuk mungon as këtë vit modeli Roland Lekaj, i cili do të jetë i pranishëm gjatë eventit të bamirësisë amfAR Gala, që do të mbahet më 23 maj.
Ermal Mamaqi tregoi në Instagram se Rolandi, i ftoi të kalonin të dielën me të, në jahtin e tij privat.
Në videon e publikuar në Instastory, Ermal Mamaqi tregon se Ronald Lekaj po shikon “Dy Gisht Mjaltë” në jaht, duke ironizuar:
“Njerëzit s’kanë bukë të hanë, ti shikon “2 Gisht Mjaltë” në varkë.”
Ronald Lekaj u kthye në qendrën e vëmendjes së medias vitin e kaluar, kur dhuroi jo pak por 1,6 milion euro për një koleksion fustanesh, gjatë galasë amfAR.
Ai është i martuar me një prej sipërmarrëseve më të njohura aziatike, kinezen Yu Wenhong.
Rolandi e nisi si model në Azi dhe tani, është përfshirë në sipërmarrjet e bashkëshortes duke mbështetur edhe kauzat për të cilat ajo është e njohur.
