Bleona Qereti shkakton gjithmonë debat me fotot që publikon në Instagram. Ajo ka publikuar së fundi disa foto nga udhëtimi në Emiratet Arabe. Ky është një vend i cilësuar si ndër më të kushtueshmit në botë.
Ndërkohë një komentues i ka shkruar se qëllimi i udhëtimit të saj atje, është të “kapë një Sheik”. Dhe Bleona me sa duket nuk i ka pëlqyer ky koment ndaj i është kundërvënë komentuesit.
Këngëtarja i ka publikuar komentet në Instastory dhe ka vendosur t’i japë një përgjigje si një mësim publik fansit që e akuzon.
“Sigurisht xhaxhi “hajdar Ajnshtajni” më gjykon nga perspektiva e vet, me trurin e tij prej zogu, dhe ngaqë nuk ja kap radari i fut një “mendje të lehtë”: “Deti u bë kos dhe mora dhe unë një lug dhe u nisa për në Abu Dhabi!”, shkruan Bleona në postimin e saj në Instastory.
Ajo është shprehur se e ka blerë personalisht biletën madje bën publikë edhe numrat e kartës.
