Cardi B ka shkuar të japë deklaratën e saj në Polici, pasi dy vajza me profesion banakiere u lënduan gjatë një sherri në një klub striptizmi në New York. Ylli amerikan, emri i vërtetë i së cilës është Belcalis Almánzar, akuzohet se ka urdhëruar sulmin fizik ndaj dy punonjësve të “Angles Strip Club”, pasi pretendonte se njëra nga vajzat ka kryer marrëdhënie seksuale me bashkëshortin e saj, reperin Offset.
Dy vajzat, Jade dhe Baddie Gi, kanë rrëfyer se janë kërcënuar disa herë nga reperja dhe më në fund ajo ia arriti atë që dëshironte.
“Pesë persona të lidhur me Cardi B-në, na kanë sulmuar. Na tërhoqën nga flokët, na gjuajtën me karrige dhe me tavëll kokës” – kanë treguar vajzat.
Mes vajzave dhe reperes ka pasur më herët edhe një tjetër sherr fizik në klubin e stiptistëve, gjatë kohës që po performonte bashkëshorti i saj në skenë.
Dëshmitë e dy vajzave nuk janë konfirmuar ende e për këtë arsye, reperja nuk do të arrestohet.
Burimi: Dailymail
