Një uragan në detin Mesdhe, i cili do të prekë të gjithë zonën detare deri në jug të detit Jon është parashikuar të ndodhë më 18 shtator.
Stuhia tropikale do të sjellë erëra të forta dhe rrebeshe shiu, ndërkohë që të gjithë jemi të shqetësuar sesi do të ndikojë kjo stuhi në Shqipëri.
Meteoalb bën me dije për ABC News, se Shqipëria mbetet në periferi të kësaj stuhie duke sjellë vetëm rrebeshe shiu dhe forcim të erës deri në 45 Km/h. “Uragani” parashikohet të prekë brigjet e Italisë Jugore, po ashtu dhe Jugun e Greqisë.
“Zhvillimi i një stuhie tropikale në Mesdhe do të sjellë rrebeshe shiu dhe stuhi të forta ere, ku parashikohet që shpejtësia e erës në det të jetë deri 200km/orë. Kjo stuhi do të prekë dhe brigjet e Italisë Jugore, po ashtu dhe Jugun e Greqisë. Vendi ynë mbetet në periferi të kësaj stuhie duke sjellë vetëm rrebeshe shiu dhe forcim të erës deri në 45 Km/h”, thekson Meteoalb.
