Uragani Florence ka goditur Karolinën e Veriut duke shkaktuar një stuhi të fuqishme që po rrezikon jetët e banorëve atje.
Më shumë se 60 njerëz duke përfshirë këtu edhe fëmijë u desh të shpëtoheshin pasi kishin mbetur në një motel në Jacksonville në kulmin e stuhisë.
Të paktën 12,000 njerëz kanë kërkuar strehim dhe më shumë se 415,000 shtëpi dhe biznese u raportuan të jenë përmbytur.
Ekipet e shpëtimit po punonin gjithashtu për të liruar rreth 150 njerëz që ishin bllokuar në New Bern, pasi zëdhënësja e qytetit Colleen Roberts paralajmëroi se stuhia do të përfshinte të gjithë qytetin.
Qendra Kombëtare e Uraganeve raportoi se niveli i lumit Neus afër qytetit i ka kaluar 3.05 metra. Shiu parashikohet të arrijë deri në 101.6 cm gjatë disa ditëve të ardhshme.
Rritja e stuhisë mund të jetë deri në 11 metra në pjesë të Karolinës së Veriut, duke bërë që zyrtarët të shikojnë nga afër ngritjen e lumenjve në pjesën lindore të shtetit. Përmbytjet e lumenjve mund të jenë më të këqija se Uragani Floyd në vitin 1999.
