Ka mjaftuar një koment i pamenduar mirë nga këngëtari Ermal Fejzullahu që ndjekësit e tij në Instagram të irritoheshin. Shkak u bë një foto e postuar nga ish- menaxheri i Era Istrefit, Faton Shoshi i cili shoqërohej nga një bashkëpunëtor me ngjyrë.
Konkretisht bëhej fjalë për Këshilltarin dhe Ndihmësin Personal të Presidentit të Gambias me të cilin Fatoni po darkonte. Çdo gjë dukej normale derisa erdhi një koment racist i këngëtarit Ermal Fejzullahut që mesa duket vuri në siklet edhe Fatonin.
“Thuj let kesh pak se s’po dihet qka është”, ka komentuar Ermali, duke nënkuptuar që të qeshë pak se nuk dallohet çfarë është.
Menjëherë pas kësaj ka reaguar edhe Fatoni, duke i bllokuar komentet ndërkohë që ndjekësit i kanë kërkuar Ermalit të fshijë komentin e tij racist.
