Një lidhje e veçantë u vu re midis aktorit të njohur të Hollivudit, Russell Crowe dhe yllit të filmit “Mummy”, Annabelle Wallis.
53-vjeçari u fotografua duke kafshuar qafën e aktores gjatë premierës australiane të filmit aksion në Sydney javën e kaluar.
Por ky veprim e ka lënë të dashurin 32-vjeçar të Annabelle, Chris Martin, i grupit Coldplay, të zemëruar, sipas një raporti të ri.
Një artikull i botuar në Woman’s Day të hënën pohon se Chris padyshim do të “ziejë nga inati kur të shohë foton”. Megjithatë artikulli nuk tregon asgjë për faktin nëse këngëtari ka folur me aktorin për këtë incident.
Skena u bë “edhe më e vështirë” pasi ish-bashkëshortja e Russell-it dhe nëna e dy djemve të tij, Danielle Spencer, 48 vjeç, tregoi mbështetje për këtë gjë, pohon revista.
Afrimiteti mes dyshes u vu re në tapetin e kuq në Sydney të hënën e kaluar. “Gladiatori” i cili qëndronte prapa Annabelle, vendosi buzët në qafën e saj, para se ta kafshonte lehtë.
Annabelle dukej pak e tronditur nga ky veprim i aktorit por qeshi ndërkohë që u mundua të largohej.
