Këngëtarja e njohur e muzikës popullore, Merita Halili, ishte e ftuar ditën e sotme në emisionin “Rreze Dielli”, ku në një rrëfim të sinqertë ka përmendur vështirësitë e mëdha të cilat ka kaluar për të rritur tre vajzat e saj në Amerikë. Merita u shpreh se kishte sakrifikuar shumë si nënë, mirëpo tashmë ishte tepër e lumtur me jetën e saj.
Ajo është shpërngulur në Amerikë 23 vite më parë, por nuk ka hequr dorë kurrë nga muzika. Merita vazhdon të këndojë herë pas here në skenat prestigjoze ku dëgjohet muzika e Ballkanit. Mirëpo, për shkak të mungesës së saj në vend për 23 vite me rradhë, këngëtarja nuk është njohur me të gjitha figurat e reja që kanë hyrë në tregun muzikor.
E pyetur se ç’mendim ka për reperen Tayna, Merita ka treguar se nuk e njeh dhe nuk e ka dëgjuar asnjëherë këtë emër.
“Nuk e njoh dhe nuk mund të jap një opinion. Të më fali goca, mund të jetë shumë e talentuar, por ngaqë kam 23 vjet në Amerikë, nuk e kam ndjekur.”- u shpreh këngëtarja.
