Pas shumë kohësh pritje, Ledri Vula dhe Majk sollën dje bashkëpunimin e tyre që mban titullin “Marr”. Kënga është shumë ritmike dhe padyshim që shumë shpejt do të kthehet në një hit veror.
Kujtojmë se dy artistët publikuan para disa ditësh në “Instagram” foto të tyren, krahas së cilës zbuluan dhe titullin e këngës “Marr”.
Para disa ditësh fansat e dyshes, që mezi po e presin publikimin e plotë të këtij bashkëpunimi, publikuan para kohe një pjesë të shkurtër të tij. Në rrjete sociale qarkullon një video, e cila është bërë gjatë xhirimeve të klipit të këngës. Ledri dhe Majk shihen duke kënduar pranë njëri-tjetrit me të njëjtat veshje që publikuan dhe foto në Instagram. Kënga e tyre dëgjohet në sfond.
Kanë qenë të shumtë artistët të cilët kanë përgëzuar dyshen për këtë projekt, duke shprehur mbështetjen nëpërmjet rrjeteve sociale.
Në mesin e atyre që e kanë postuar këngën, ka qenë edhe Don Xhoni, por ajo që u vu re ishte ndarja publike që ai bëri mes dyshes.
Reperi e ka etiketuar vetëm Ledrin me të cilin ka raporte të mira dhe e ka lënë pa e etiketuar Majkin.
Kujtojmë se në diss-in e fundit, u dyshua se Don Xhon i është drejtuar të paktën në një pjesë Majkit meqenëse “blerja e vilës dhe jo makinës në pandemi’ përshtatej me vargun e Majk në duetin me Getin. Epo, këto shenja flasin vetë!
