Këngëtarja Selena Gomez ka reaguar ndaj një videoje të para shumë vitesh e cila është bërë virale së fundmi në TikTok. Në videon, e cila ishte vendosur kënga e ish-të dashurit të saj Justin Bieber “Company”, Gomez shfaqej me një fustan të zi dhe një pallto të ngjashme të hedhur mbi njërën shpatull, më e dobët dhe disa vite më e re, shkruan Page Six.
“Unë e di dhe ju gjithashtu se në atë kohë ajo nuk do të ishte lidhur kurrë me Benny Blancon, ajo ishte në epokën e saj të IT GIRL”, shkruhej në mbishkrim të videos.
Ylli i “Only Murders in the Building” komentoi: Më bën të qesh disi sepse isha shumë e depresionuar në atë kohë.
@divinepeople I know and so do you that at the time she would never have gotten engaged to Benny, she was in her IT GIRL era #selenagomez #bennyblanco #justinbieber #fyp #foryou #viral ♬ suono originale – divinity
Ky koment i Gomez tregon qartazi se ndonëse në atë kohë ajo adhurohej për bukurinë dhe format perfekte, ajo në fakt nuk ishte në një gjendje të mirë mendore. Gomez shpesh është kritikuar për lidhjen me Blanco, për shkak të pamjes së tij, ku shumë fansa kanë thënë se ai nuk përshtatet me këngëtaren.
Selena gjithsesi ka qenë ajo e cila ka hedhur poshtë këto aludime duke thënë se Benny e bën atë njeriun më të lumtur në botë.
