Një situatë e sikletshme ka ndodhur për këngëtaren Jennifer Lopez dhe partnerin e saj Alex Rodriguez, pasi dyshja është ndeshur rastësisht me ish-in e këngëtares, balerinin Casper Smart.
Çifti po shijonte një natë romantike jashtë dhe kishte vendosur të darkonte në restorantin Craig’s në West Hollywood, ku ndodhej edhe ish-i dashuri i yllit të pop-it.
Situata u bë aq e sikletshme saqë Jennifer dhe Alex u detyruan të dilnin nga porta e pasme e restorantit. Jennifer ishte veshur mjaft sportive, me tuta blu dhe atlete të bardha, ndërsa Alex ruante një look më casual.
Ylli i hiteve botërore ka qenë e lidhur me Casper Smart nga viti 2011 deri në vitin 2016.
Me Alex ajo u lidh në shkurt të vitit të kaluar. Aktorja dhe këngëtarja është martuar tre herë dhe ka dy binjakët Max dhe Emme, 10 vjeç, me ish-bashkëshortin e saj Marc Anthony.
