Siç të gjithë e dimë tashmë, Mozzik është beqar. Megjithëse herë pas here është aluduar për rikthim me Loredanën apo për flirte të reja, reperi është siguruar t’i sqarojë të gjithëve se s’ka asgjë serioze në jetën e tij.
Ai i është përkushtuar karrierës, mirëpo kjo nuk i pengon miqtë e reperit të bëjnë shaka me faktin që ai është beqar.
Menaxheri i VIP-ave, Xhani Demika, ka ndarë një foto ku tregon se i ka dhuruar Mozzik një kasë telefoni me emrin e masave mbrojtëse për marrëdhëniet seksuale, “Durex”.
“Ta gëzosh dhuratën! Vllai mendoi për ty se je beqar dhe hall i madh në treg.”- shkruan ai, ndërsa reperi ia ka kthyer:
“Faleminderit vlla, m’shpëtove”
Vetë Loredana e përmendi dje Mozzik në një deklaratë të sajën, ku tregonte se i kishin kërkuar “të shiste” ish-partnerin për të dalë e pastër në sytë e publikut. Mirëpo siç sqaroi Lori, kjo është diçka që ajo s’do ta bënte kurrë.
“Asnjë nuk e kishte këtë urrejtje që kisha unë… asnjë. Po si e thonë? Zoti vë në provë më të fortët, dhe po dreqin isha shumë e fortë!!!! Për familjen time për fëmijën tim dhe për të gjithë ata që më kanë dashur gjithmonë që nga dita e parë… Unë u dëshpërova për çdo gjë, donit të më ndërpresni thirrjen? Të më përfshinit? F*** you. Dëshironit që unë të zbuloja familjen time për ta bërë fytyrën time më të pastër? F*** you, doje që unë të shisja ish-burrin tim që të përmirësoja reputacionin tim? F*** you. Unë as nuk i shes askujt as personin që më urren papritur, sepse ai bën gabime. Unë kam qenë personi më besnik në të gjithë industrinë, të gjithë ata që më njohin kanë qenë gjithmonë kaq të habitur sa cool jam në të vërtetë. Por askush nuk guxoi të thoshte në sy të publikut LORI ËSHTË SËRISH E FTOHTË. Të gjithë të tjerëve që kanë vazhduar të më duan edhe sot e kësaj dite, BETOHEM SE DO IU DUA DHE NUK DORËZOHEM KURRË.”
