Dy kirurge të ndërhyrjeve estetike kanë zbuluar së fundmi çfarë ndërhyrjesh mund të kenë kryer motrat e famshme Hadid.
Megjithëse pamja e Gigit nuk ka ndryshuar aq shumë sa ajo e motrës së saj, të dyja Dr. Shah-Desai dhe Dr. Grigoriy Mashkevich sqaruan se ekzistojnë disa zona të fytyrës së saj që mund të ketë ndërhyrë, raporton ‘DailyMail’.
Dr. Sabrina Shah-Desai ka treguar se me shumë mundësi, modelja ka realizuar mbushje të buzëve, të vijave anësore në pjesën e gojës, ashtu sikurse edhe në pjesën e mollëzave.
Për Bella-n, doktoresha ka thënë se ka ndryshuar shumë nga koha e gjimnazit.
Sipas saj, Bella ka realizuar ndërhyrje në hundë, ka kryer ngritje të vetullave, eleminimin e tepricave dhjamore në fytyrë, mbushje të vijave të lëkurës dhe buzëve.
Sipas eksperteve fytyra e Bella-s duket shumë më e hollë tani sesa kur ishte në shkollë të mesme, duke sqaruar se kjo mund të jetë rezultat i heqjes së dhjamit.
Kjo nuk është hera e parë që Bella ka nxitur zëra për operacione të mundshme plastike – megjithëse ajo gjithmonë i ka mohuar këto lajme.
Në 2018, Bella tha për “InStyle” se kishte frikë të bënte ndërhyrje kirurgjikale sepse i druhej ndonjë transformimi për keq.
Këto spekulime janë nxitur pas publikimit të disa fotove të motrave Hadid nga periudha e shkollës së mesme që janë publikuar në TikTok nga ish-shoqja e tyre e klasës Lila.
Në këtë video virale që ajo postoi këtë javë, shihen foto të papublikuara më parë të Gigi, 25 vjeç, Bella, 23 vjeç dhe Anwar, 20 vjeç.
