Mbretëresha Elizabeth II dha një fjalim emocionues për Krishtlindje ,por kishte disa anëtarë të familjes mbretërore që mbetën jashtë.
Pjesa më e madhe e fjalimit iu kushtua kujtimit të bashkëshortit të saj të ndjerë, Princit Philip, i cili vdiq në prill 2021. Megjithatë Mbretëresha përmendi emrin e djalit të saj Princit Charles, nipi Princi William dhe gruan e tij Kate Middleton duke folur për trashëgiminë e Philip-it.
“Princi Philip ishte gjithmonë i ndërgjegjshëm për këtë ndjenjë të kalimit të stafetës. Kjo është arsyeja pse ai krijoi çmimin Duka i Edinburgut, i cili u ofron të rinjve në të gjithë Komonuelth-in, por dhe përtej, mundësinë e eksplorimit dhe aventurës. Mbetet një sukses i mahnitshëm, i bazuar në besimin e tij në të ardhmen, “tha Mbretëresha. “Ai ishte gjithashtu një ekspert dhe numri 1 për të marrë seriozisht kujdesin tonë ndaj mjedisit; dhe jam krenar përtej fjalëve që puna e tij pioniere është marrë dhe është zmadhuar nga djali ynë i madh Charles dhe djali i tij i madh William. i mbështetur në mënyrë të mrekullueshme nga Camilla dhe Catherine ,së fundmi në samitin e ndryshimeve klimatike COP në Glasgow”
Princi Harry dhe Meghan Markle mbetën pa u përmendur.
Sipas biografit mbretëror Christopher Andersen, i cili foli për “Us Weekly ” në fillim të dhjetorit, Mbretëresha mori një vendim të minutës së fundit për të përjashtuar Harry, Markle dhe djalin Archie pasi mësoi për dëshirën e nipit të saj që të tërhiqej nga titulli i tij i vjetër mbretëror.
