Prej disa ditësh, Enca Haxhia dhe reperi më i ri shqiptar, Don Xhoni, kishin paralajmëruar ndjekësit për një bombë këtë verë.
Ata kanë bashkuar forcat për të sjellë një bashkëpunim, të parin që bëjnë me njëri-tjetrin dhe fansat mezi po prisnin që kënga të lançohej në Youtube.
Më në fund dëshira e tyre është plotësuar, pasi “Break Down” është publikuar tashmë në Youtube.
E kur nuk kanë kaluar as 24 orë kënga numëron rreth 1 milion klikime, e me siguri “Break Down” me tingujt ritmik do të na shoqërojë në plazh dhe kudo tjetër.
Mirëpo, së fundmi në rrjet po qarkullon një këngë holandeze që duket të jetë shumë e ngjashme nga beat-i me këngën e dy artistëve shqiptarë.
Në fakt kjo këngë është publikuar që në dhjetor të 2018 nga F1rstman, H-Dhami, Mumzy Stranger, Raxstar, dhe Juggy D dhe titullohet “Dance”.
Sipas të dhënave në You Tube, beat-i i këngës shqiptare është realizuar nga Mixey & Apollo dhe nuk dihet ende nëse ata e kanë blerë atë, pasi rikujtojmë se rastet të tilla kemi dëgjuar shumë në tregun tonë.
Megjithatë, mund të jetë edhe rastësi, pasi në fund të ditës notat janë po ato për të gjithë.
Për më shumë mund ta dëgjoni vetë e të na tregoni mendimin tuaj:
