Kanë kaluar rreth 10 muaj që kur prezantuesja më IN e ekraneve shqiptare Fatma Methasani dhe shefi më i njohur Alfio Rrotani u bënë prindër të një djali të cilin e pagëzuan me emrin Noah.
Gjatë këtyre muajve ata na kanë treguar se të dy po e shijojnë shumë këtë ndryshim që i vogli ka sjellë në jetën e tyre, teksa herë pas here ndajnë me ndjekësit foto të ndryshme nga momentet që kalojnë me të birin.
E nëse Fatma i mëson Noahs të vogël si të jetë një djalë i mirë, i kujdesshëm, i sjellshëm e 100 të mira, Alfio po e merr pak me të mira dhe po i tregon se rregullat janë bërë për tu thyer.
E këtë na e kanë vërtetuar edhe sot. Babi Alfio sikundër e dimë është shumë i fiksuar pas motorëve dhe këtë pëlqim duket se do ta kultivojë edhe tek djali i tij.
Ai ka postuar në Instagram një foto ku shihen të dy në motor, teksa ka shkruar:
Mamushi i mëson rregullat, babushi i mëson si t’i thyej ato!
I menjëhershëm ka qenë edhe reagimi i mami Fatmës, e cila e ka “paralajmëruar” publikisht duke shkruar me nota humori:
Do fillojmë shpejt me dënimet më duket o babushi!- ka qenë ky reagimi i moderatores!
Epo, dakord jemi me Alfion, disa rregulla duhet të thyhen.
Kujtojmë se pak ditë më parë, në ditëlindjen e saj të 26, Fatma mori edhe propozimin e shumëpritur për martesë nga Alfio.
Në një ambient të jashtëm të mbushur me petale trëndafili dhe me një tortë gjigante, Alfio e ka pyetur Fatmën: “A do të martohesh me mua?”.
Ajo i është përgjigjur “Po” para të gjithë të pranishëmve në festë, të cilët duhet të fillojnë pak nga pak të përgatiten për dasmën e çiftit.
